Azərbaycan neftinin qiyməti tarixdə ilk dəfə 126 dollar 17 sentə satılıb. Son 1 həftədə düyna bazarında neft 8,3 faiz bahalaşıb. İndi birjalarda neftin bareli 125 dollardan baha satılır. Opek rəsmiləri isə bildirib ki, neftin bahalaşmasını dayandırmaq onların imkanı daxilində deyil. Opek-in prezidenti Şakib Xəlil bildirib ki, dollar digər valyutalara nisbətən ucuzlaşsa ilin sonuna qədər neftin 200 dollara qədər bahalaşması qaçılmaz olacaq. Opek-in sentyabrda keçiriləcək toplantısına qədər təşkilat neftin ucuzlaşdırılması istiqamətində ciddi tədbirlər görmək niyyətində deyil.
Əlcəzairin energetika naziri Xəməl əl Ətiyə bildirib ki, indi təşkilata üzv ölkələr lazımi qədər neft çıxarır və qiymətlərin artması Opek-in nəzarətindən kənarda qalıb. Bununla yanaşı Livanda vəziyyət, Amerikada yay mövsümü ilə əlaqədar benzinə tələbatın artması da bahalaşmaya təsir edir. Bu arada beynəlxalq ekspertlər arasında keçirilmiş sorğu nətidcəsində mütəxxəsislər neft və ərzağın bahalaşmasına münasibət bildiriblər.
Rəyi soruşulanların yarıdan çoxu bahalaşmanın əsas səbəbi kimi neft və kənd təsərrüfatı məhsullarına tələbatın artmasını göastəriblər. Onların cəmi 20 faizi bazara kifayət qədər məhsul çıxarılmamasının bahalaşmaya səbəb olduğunu bildirib. Rəyi soruşulanların 11 faizi isə qiymətlər süni şəkildə-spekulyasiya nəticəsində qaldırıldığını bildirib.